ನನ್ನೊಳಗಿನ ದ್ವನಿ ಹೇಳುತಿದೆ -
ನೀನು,
ನಿನ್ನ ಅಳುಕು , ಹಿಂಜರಿಕೆ
ಕುಗ್ಗುವ ಮನಸು, ಕೀಳರಿಮೆ
ಹೋರಾಡಬೇಕು ದಮನಿಸಬೇಕು
ನನ್ನ ಮನ ಹೇಳುತಿದೆ -
ನಿನ್ನ ಶಕ್ತಿಯ ಕುಂದಿಸುವ
ಆಶಾಬಾವನೆಯ ಹೊಸಕುವ
ನಾಳೆಗಳನ್ನು ಕುಗ್ಗಿಸುವ
ಕನಸುಗಳ ಕಮರಿಸುವ
ನಿನ್ನೊಳಗಿನ ಆ ನಿನ್ನನ್ನು
ನಿಸ್ಸಂಕೋಚವಾಗಿ ಕಿತ್ತೊಗೆಯಬೇಕು
ನಾನು ನಾನಾಗಿ ಬದುಕಲು
ನನ್ನ ನಾಳೆಯ ಕನಸುಗಳ ನೋಡಲು
ನನ್ನ ಅಸ್ಮಿತತೆ ಕಂಡುಕೊಳ್ಳಲು
ನಾನಿಂದು ಹೋರಾಡಬೇಕಿದೆ
ನನ್ನೊಳಗಿನ ಶತ್ರುವನ್ನು
ನನ್ನೊಳಗಿನ ಶತ್ರುವನ್ನು!!
- ಗಿರಿಜಾ ಕೆ ಎಸ್
No comments:
Post a Comment