ಮೀಸೆ ಹೊತ್ತ ಮೊಣಕೈಯೊಂದು
ಕಣ್ಣುಗುಡ್ಡೆಗಳನು ಒದ್ದಾಗ
ಸಣ್ಣಗೆದ್ದ ದನಿಯೊಂದು
ಹನಿಹನಿಯಾಗಿ ಉದುರಿ
ಕಪಾಳ ಕಂಪನದಿಂದ ಅದುರುತ್ತಾ
ಕುಸಿದು ಬೀಳುವ ಮಾಂಸದ ಮುದ್ದೆಯ ಬಳಿ
ಗೆದ್ದ ಭಾವದಿಂದ ಬೀಗುವ
ಮತ್ತೇರಿದ ಆ ಕಿವಿಗೆ ಕೇಳಿದ್ದು
"ದೇವರೇ ನನ್ನಮ್ಮನನ್ನು ಕಾಪಾಡು"
ಕಣ್ಣೀರ ಹೀರುತ್ತ ಹೆಪ್ಪುಗಟ್ಟಿದ ನಸುಕಿಗೆ
ಕೇಳುತ್ತದೆ ದಿನದಿನವೂ
ಅಳಬಾರದ ಅಳು ಬಾರದ
ಕೀರಲು ದನಿಯ ಅಳಲೊಂದು
"ದೇವರೇ ನನ್ನಮ್ಮನನ್ನು ಕಾಪಾಡು".
- ಡಾ. ಸುಚೇತಾ ಪೈ
No comments:
Post a Comment