ತೂರಬೇಡಿ ಗಾಳಿಗೆ ಹೆಣ್ತನದ ಘನತೆಯ
ಜೀವ ಕೊಡುವ ಜೀವವಿದು ಕಡಿಮೆ ಯಾರಿಗೆ ?
ಕಡಿಮೆ ಯಾರಿಗೆ ? ।।ತೂರಬೇಡಿ ಗಾಳಿಗೆ।।
ನಾಚಬೇಡಿ ಹೆಣ್ತನಕೆ ತಲೆ ಎತ್ತಿ ನಿಲ್ಲಿರಿ
ನಾಚಬೇಕು ತುಳಿದವರು ಮನುಜಾತಿಗೆ ಸೇರಿದವರು ।।ತೂರಬೇಡಿ ಗಾಳಿಗೆ।।
ನಾನು ನೀನು ಅವಳು ಇವಳು ಹೆಣ್ಣಾಗಿ ನೊಂದವರು
ಕತ್ತಲ ಏಕಾಂತದಲ್ಲಿ ಕಣ್ಣ ಹನಿ ಸಾಕವ್ವ
ಬೆಳಕಿಗೊಮ್ಮೆ ಈಚೆ ಬಾ ಕಂಡೀತು ಜೀವನ
ಕಂಡೀತು ಜೀವನ ।।ತೂರಬೇಡಿ ಗಾಳಿಗೆ।।
ನಾನು ನೀನು ಅವಳು ಇವಳು ಹೆಣ್ಣಾಗಿ ನೊಂದವರು
ಕೈಗೆ ಕೈ ಜೋಡಿಸೋಣ
ಹೊಸ ಜಗತ್ತು ನಮ್ಮದು (೩) ।।ತೂರಬೇಡಿ ಗಾಳಿಗೆ।।
- ವಿಜಯ ದಬ್ಬೆ
No comments:
Post a Comment